韓國clubbing十個珍

Club Ghetto,外面睇真係幾似馬檻 ==

1. 平。從來未入過一間5000 won (~35 HKD) 重有一杯野飲送的club，好處係可以慳唔小，但係壞處係真係好迫好多人同埋亂到９彩

2. 男女嚴重失衡+underdress。講真去clubbing的精粹係to see and to be seen，而場內男女比例真係誇張(~6:1)，好奇怪Ｄ女既企晒上去ＤＪ枱後面排bench，見到佢地成晚假高潮真係好難唔信佢地係請返黎既氣氛小組。係dance floor既男男女女都underdress，竟然見到有人著full gear棒球衫入去(佢真係爭支棍)..女既穿過頭lub衛衣converse..咩料呀?!!

3. 音樂。我逗留左係間club成3粒鐘,佢竟然一首BEP都唔播。心諗 "X! clubbing點可以冇BEP!!"，最燥既係佢每首歌都係播20-30秒(有時重要唔係chrous)..你啱啱認到首歌佢就轉，點high呀..去到最後重衰，我諗韓國應該係世上唯一聽到 I will always love you 同少女時代 disco版既club..韓國人重要跳到勁high我成個橦左係度。

4. Dance。因為同鬼佬一齊既關係我地都係同LKF既差唔多，但係Ｄ韓仔真係睇到你眼突，間club己組夠迫重要跳break dance (?!!)..如果我識韓文既話我會叫佢小心地下D爛酒樽煙頭同其他人既腳..最正既係見到韓仔打架，二個字：精彩！

p.s 見到個OK型既韓仔跳舞跳到我地附近我以為佢想yo鬼妹，點知佢一轉身見到鬼妹成個人嚇到走左，笑到我！

後記:我多麼的希望這間不是正宗的韓國clubbing，如果現實真係咁既話我會好掛住LKF的..look forward to club at Haeundae

鎮海--行花市

10-4-2010

　從facebook見到一個鎮海一日遊，戰戰兢兢的一個人報名參加了。活動的主辦者為Lovable Busan的一個facebook group。主理的是一名韓國人，目的是為外國人辦不同的活動去加深對韓國的認識所以活動都是非牟利的。好像今次的旅程每人付了30,000 won (如果唔係有6個人甩底的話每人只要25,000 won)，價錢略貴但有專車接送所以還可以吧。

　我神奇的早上５點起床(來了釜山個多月5點訓就試過==)..天都未光就往山下的地鐵站走，走到圖書館看見比５點下山更瘋狂的事。圖書館門口仍然人山人海，吹水溝女煲煙好像下午的時候那麼多人，因為釜山大學係韓國數一數二的公立學校的關係，所以這邊的學生都較首爾SKY的大學生清貧及刻苦。不過都唔係每個人都咁勤力既，我都見到有Ｄ蒲通宵的人搭的士回來=]

　去到地鐵站附近因為天氣大冷了所以買左一罐熱咖啡飲，乘地鐵到開琴站集合。趁時間還未到到附近的便利店買點吃的吧，拿了一個杯面想付錢的時候個大叔喝住我。我見到佢係咁指住個熱水機講韓文我就以為他想同我講沒有熱水，但係我試下部機佢又左熱水wor..跟住佢又塞左份三文治比我，我又以為佢要我買多點東西先肯給我用熱水機。最後佢指住自己隻錶我就明白佢想講乜，原來佢話早上買杯面唔可以係店入面食。我心諗而家先６點半我食個杯面用得你幾多時間呀，但係佢就好堅決咁不讓我買，冇計唯有買一個又難食又貴既三明治當早餐。

　終於見到團友了，帶隊的是一名叫Charles既韓國人。佢就係個Group既發起人，亦都係今次既領隊(其實次次都係佢帶)。唔似一般的韓國人，佢身型較瘦，黑黑實實的樣子(行山的時候先知佢的體能超強)。今天有2架16人小巴接送，應該有28-30人，原來全部也是來釜山教英文的外國人。他們主要來自美國，加拿大，英國，南非等等，沿途跟他們聊天他們都很詫異我為什麼會找到這個event (我都係講果句，power of facebook)，其實他們都是friend搭friend介紹一起參加的。我都算聽得懂他們的英語(係有時唔明D AJ點解佢地笑得咁勁)..

男團友

韓國龍友

櫻花樹,火車

Naval Academy跟海軍合照

AOC 裝甲船

　由釜山到鎮海的車程大約一小時，因為太早起床的關係恰下恰下就到了。鎮海乃公認韓國最美的賞櫻地，果然名不虛傳。我第一時間想起花潮這一中學課文，真的很適合形容鎮海。每一條街上都怖滿盛開的櫻花，氣氛真的浪漫到不行。第一站是在火車線附近賞櫻，路軌都開滿櫻花。前來賞花的主要有三類人，最多的是情侶(從他們身上果二件俗到不行的情侶裝可知)，其二是一家大小前來賞花，最後就是一羣學生了。當然在花開的地方很自然會看見一羣龍友(他們不是來賞花，他們是來影花的。而最奇怪就是我真的不明白他們每個人都帶著支小白，難道他們真的以為長就是好嗎？有的更誇張，我真的不明白在放晴的天他們要帶閃燈..)。我們欣賞過這一羣龍友及櫻花(頓時變了配角)，我們就往下一站海軍學院走了。在門口一羣海軍指揮我們的旅遊巴泊好，我們首先參觀的是古代的韓國戰船，熟悉ＡＯＣ的朋友應該不會對這船陌生，對就是遊戲內出現的一樣！之後我們就看看飛機大炮之類，真的沒有什麼特別。其實參觀期間正席鎮海軍港祭，可是由於韓國天安號被擊沉的話今年的規模大幅縮減了，否則場面一定更為熱鬧。

Romance Bridge

深信英格蘭有機攞世盃既朋友

登山留影

　學院之後的下一站是Romance Bridge ，這簡值可說是全鎮海最漂亮的一個部分。一條小海附近長滿了油菜花，再加上櫻花同暗紅色的橋真的很美。我們一團人慢慢走過那條路，拍了很多照片(可惜跟我一起走的不是我的lover,亦是一個同我分析點解英格蘭係世杯有機會的英國人)。走過以後就到了一個公園，湖的旁邊都開滿櫻花，真不愧為花的城市，每一條街每一個地方你都可以看見櫻花。

　在街邊找了一家石頭飯作午餐，然後我們就登山去了。一開始已經是＞45度的斜路，全都是樓梯真是一個體能的挑戰。誰知真正的難求在後段，斜到直情要手腳亦用才能走上去。好不容易上到山頂..原來這座山的三面分別就是釜山,鎮海跟changwon..登山完後就用極速下山..我竟然行得仲慢過D鬼妹..

真係成座山都係櫻花!

　好不容易落到山，坐的士去旅遊巴度返釜山。沿途經過一庭唔知咩名既山，上山的２０分鐘車程內馬路二旁全是櫻花，令到你覺得你好似係一顆大櫻花樹下面行咁,感覺好美妙。到左集合地點等左成半個鐘都未見個領隊,原來佢飲到hihi地唔記得左我地...this is so Korean...

　因為太早起身的關係，回程的時候一覺訓到尾，之後同新識Ｄ朋友食pizza就返歸了。今次的旅程真係好特別，特別係因為自己膽粗粗係facebook參加呢個tour，不過好彩Ｄ外國人都唔會話因為你係中國人唔理你咁，仲好friendly咁問我係香港的生活係點。此外同一大班新相識差唔多年紀但係不同background的人一齊去tour的感覺都幾特別，尤其係我好記得佢地一路行山一路飲酒扯煙果下真係睇到眼都突...

　

韓國飲料

不知不覺間到左韓國一個月了，這一個月來除左試了好多唔同的韓式食品仲試左唔同的飲料。今日就選左幾隻講講：

左一: 家庭裝大橘子汁，我飲唔出同橙汁有咩分別但係覺得佢比香港的橙汁略酸。(3000won 2支)

左二: 韓國人最愛soju，我黎之前聽到soju呢個名都對它好期待，除左係因為未飲過之外仲因為好多係ＨＫ既韓國人都話好掛著soju。飲左第一啖之後真係意想唔到的....難飲。她的氣味彷彿把你帶回中六暑假前那生物課。當你戰戰兢兢咁準備把白老鼠解剖，傳到你鼻子裹的那股消毒酒精味就是soju的味道了。Soju的酒精濃度大概是15%而售價相宜，所以係求醉韓仔的最愛。[3000won 一支 (bar/hof), 1300 won (supermarket) ]

p.s 自從我飲過一次後我冇再試過就咁飲，而係將佢加入啤酒度當深水炸彈算

左三: 韓國啤酒，主要有Max, Hite 同Cass三隻brand。係韓國imported beer係奢侈品，係超市買支細樽Budweiser要4000 won (HKD 28)，重要冇我的最愛Carlsberg。本地啤的質素真的不敢恭維，我只可以說比藍冰高小小，但係勝左平 (雖然除返係同香港的import beer一樣)。啤酒的泡較多但味道較淡，令我只好說我好掛念香港的啤酒，更掛念跟我一起飲酒的人。值得稱讚的是這邊的啤酒全是用膠樽包裝，比較環保。 (2200 won 1L, 4500 won 4.5L)

左四: 寶液(Porpunjak)，即係韓裝紅酒。No offence, 係香港你會以為係Welcome 3x蚊 75cl 果D紅酒好難飲。係韓國，呢支野你飲一啖即刻會有想湯的感覺，而且佢係招待外國元首既飲料之一。講完。 (4000 won)

左五: 雪之梅，即係梅子酒。個人對梅子酒相當有保留，但係都買左一支黎試試。感覺梅子味比日本的梅子酒重，亦都比較咸。喜歡梅子酒的朋友可以一試　(4000 won)

左六: Pepsi, 韓國的can drink都比香港小(250ml)，但係價錢差唔多。所以係呢邊飲可樂/百事變相貴左(而且飲完都覺得唔夠喉) (800 won)

左七: 韓國茶，係我其中一個favourite。價錢相宜，入口的時候淡淡的飲多２口就有好香的小麥味，提神一流。 (700 won)

左八: 我的最愛，蘋果茶。其實我係香港已經好鍾意飲道Ｘ蘋果綠茶，但係成日覺得佢蘋果味太小茶味太濃。但係呢隻蘋果味濃好多，尤其涷飲的時候感覺好爽！唯一有小小不足就係略甜同貴(1700 won)

UN Park & 亞洲第一mall

依舊是一個人單身上路，今天打算來過歷史之旅所以打算去ＵＮ　ｐａｒｋ..

由大學搭30min subway到大淵站，依住本旅遊書所講１號出口向前走１５分鐘到..

一開始也不為意，沿住大路走都見到很多旅遊車..誰知走了近半小時也未到就知應該行錯了。

見到街上有對情侶就向他們問路，這對情侶倒奇怪，一般我們向韓國人問路也是男的很踴躍地教我們的(雖然他們的英語水平真的不敢恭維)，可是這對卻是那男的靜靜地幫女友拿著戰利品跟手袋，女的就給我教路。看見女的跟男的說了一句話那男的就從女的手袋拿了筆及一個舊信封給她

原來她想給我劃地圖，雖然最後我都係睇唔明，但是二口子的熱心真讓我感動

走了一會還是不懂，再向一個40歲左右的男人問路，想不到他比剛才那對情侶更好人

他叫了自己的２個孩子給我帶路。２個小孩陪著我走了１０分鐘到了入口才跟我道別，真的太好了

這次又比本長空旅遊書昆左，真正的出口原來係１號出口的正後面，有興趣參觀的人真的要小心了

UN park附近

Graveyards in UN Cemetery

前前後後總共遲了一個鐘先去到...本書話收6點，但是原來真正的關門時間是５點

所以我只參觀了十分鐘，不過UN cemetery入面其實唔係太多野睇，所以我影左幾張相後都走了

值得一提的反而是附近的UN park，可以見到釜山政府花了不少精力在城市綠化上

這是一個市中心公園，可能是星期天的關係，看見了很多一家大細到公園玩的情景，想起小時後一班小孩總會在公園一起玩，踢波四驅車捉依因..現在的小孩寧願在家打ｐｓ３上補習班學樂器都不會到公園玩了，真懷疑下一代人會否真的想wall-e中的人一樣只懂坐在電腦前，連與人面對面溝通的能力都失去了。

Beautiful Sunset

在ｕｎ　ｐａｒｋ閒逛了一會，肚子餓了就走到附近的商鋪看看有什麼吃的。看見一街都是吃五花腩的店就找了一間試試。店的裝修很簡單，而店員正在詫異我這不速之客之際，竟然聽到熟悉的廣東話！原來她是來自深圳到韓國讀書，而在這店兼職的一位學生。然後我們就全程的用廣東話點菜，閒談之間才知道原來這幾年來多了很多內地的學生到韓國升學，怪不得在學校內常常看見熟悉的臉孔了。到韓第一次吃五花腩跟在香港的完全是二回事。這邊用的是炭爐，而燒好的五花腩脆脆的帶著焦炭的氣味，真是一個美的和諧。

正到無論的晚餐

吃過飯後就繼續向下個目標走了，去了Centum city, 有2個大型的shopping mall及BEXCO (一個exhibition center)。沿著shopping center的外圍走一個圈也要20分鐘，樂天百貨就好一般好似每一間都一式一樣的，反而新世界的外型就十分著目，在外圍己經看見一間好大的ｓｐａ同埋高小小的酒吧，睇落都相當有特式。點知入到去就明白咩叫希望越大失望越大，個商場的間隔同太古城吉之島的間隔９成似，一個so-call亞洲最大商場可以比人感覺重細過朗豪坊咁，完全浪費晒D空間。店內賣的貨物一式一樣，唯一吸引到我興趣的就係一個縮水版ＬＣＸ的後生仔衫專門店，但係價錢係非常unreasonable，而溜冰場係一個２個藍球場咁大重要放係一個勁隱閉的地方，如果你唔睇directory係一定搵唔到。果時即刻想起去年xmas去Dubai Mall果種好似同你講緊"行到你玻都未行完"既氣勢，真係高下立見。

外圍很大的新世界,入面令人十個失望,真係好可以代表韓國大自大(對外)又自卑(對內)的精神

Moody~

發現自己的網誌嚴重地lag behind,算了有時間才補寫..

不知何來的衝動,做了一個旅人..
單身上路的感覺真不錯,尤其在一個陌生的國度..
一個人戰戰兢兢的走在街上..比跟著一大羣不知所謂的人更自在
首先去了太宗台觀日落,看了旅遊書的介紹特地選黃昏的時候才出發
乘車乘了個多小時終於到達,想不到天氣涷得誇張,我嚴重懷疑得4度..
買了瓶熱飲(寫住soy bean latte, 我也不知道是什麼的飲料)...

飲落有種熟悉的感覺,原來即係麥精維他奶..
乘住小火車在園內遊覽,涷得要命..
這裹單簡來說就是一個沿海燈塔,同一個觀景台
但是我竟不知原來小火車是一條循環線,還想著在終點站才下車
幸好服務員免費讓我多乘一次,真好人

觀景台,很喜歡後面的magic color

沒有在觀景台下車,因為只對著一片海..真不明白為什麼不是對著日落的方向
急急的向燈塔的方向走,因為只剩半小時就關門..

The Lighthouse @4C

風景真的很美,白白的燈塔及晈潔的月亮,還有一間全海景cafe..
誰知去到燈塔下才知道比本長空自助遊騙了..
原來每日10am-4pm遊客可以上燈塔觀景的..所以我就不能上去了
順帶一提這本旅遊書真的可用粗裝濫做來形容,地圖不詳細算了,地方都錯晒都得
食店都係好一般,感覺係飛機稿多點..不過冇計,只得這本有釜山的資料..
睇完燈塔已經天黑了,起程回大學食飯..
遇到一對從首爾來的疑似情侶為我帶路..
50分鐘的車程有講有笑,毫不寂莫..
祝個男仔成功得米啦 =]

食炸雞,又係一夜轟炸韓國..
不過少了回鄉的好賭大陸蛇.硬係爭D咁..